The aim of this magazine is to connect the communities of Hindu Kush, Himalaya, Karakorum and Pamir by providing them a common accessible platform for production and dissemination of knowledge.
مدین ہائیڈرو پاور پروجیکٹ (MHPP) — لوگوں اور علاقے کے لیے تباہی
خلاصہ
ہم نے ساری زندگی دریائے سوات کے کنارے گزاری ہے، ایک ایسا دریا جو وادی سوات کی شناخت کا حصہ ہے۔ یہ دریا جسے قدیم تاریخ میں سواستو کے نام سے جانا جاتا ہے، صرف آبی ذخائر ہی نہیں بلکہ ہمارے ورثے، ثقافت اور وجود کا ایک نشان ہے۔ ہم مقامی توروالی برادری سے ہیں جنہیں ” پیڈو نے اپنی رپورٹس میں کوہستانی کہا ہے، اور ہم اس وادی کے قدیم باشندے ہیں جس میں 3000-4000 سال پرانی گندھارا اور دارادا تہذیب کی بازگشت سے بھرپور تاریخ ہے۔
اب ہم ایک ایسے نازک موڑ پر کھڑے ہیں جہاں دریائے سوات کو مدین ہائیڈرو پاور پراجیکٹ سے خطرہ لاحق ہے۔ یہ 207 میگاواٹ کا ایک الیکٹرک پروجیکٹ ہے جسے ورلڈ بینک نے مالی اعانت فراہم کی ہے اور پختونخوا انرجی ڈیولپمنٹ آرگنائزیشن (PEDO،( قرض لینے والے) کے ذریعے لاگو کیا گیا ہے۔ یہ منصوبہ جس میں ہمارے پیارے دریا کو 12 کلومیٹر لمبی سرنگ میں موڑنا شامل ہے، بحرین کے شہر اور ملحقہ سیاحتی علاقوں کے ماحول کو تباہ کردے گا۔ یہ اسکیم نہ صرف ہمارے دریا کو خطرے میں ڈالتی ہے بلکہ ہمارے خطے کے معاشی اور ماحولیاتی استحکام کے لیے ایک ممکنہ بڑا خطرہ ہے۔
توروالی بولنے والے لوگ، جو اس دریا سے پروان چڑھے ہیں، جن کی تاریخ سوات اور اس کے دریا کے بہاؤ میں بنی ہوئی ہے، ناقابل تلافی نقصان کا سامنا کر رہے ہیں۔ ہم اپنی معیشت، ماحولیات اور اپنی ثقافتی شناخت کے لیے خوفزدہ ہیں کیوں کہ متعلقہ ادارہ اس دریا ، ہماری لائف لائن، کو اس پروجیکٹ کے لیے تبدیل کرنا چاہتا ہے ۔ اس کو ضلع سوات کے مدین شہر سے پیچھے دریائے سوات پر ڈیزائن کیا گیا یہ پراجیکٹ جس میں دریائے سوات کو سرنگوں میں موڑا جا رہا ہے یقیناً اس خوبصورت دریا اور آس پاس کے مقامی لوگوں کی موت ہے۔
ضلع سوات کی تحصیل بحرین میں مدین ہائیڈرو پاور پراجیکٹ ’پیڈو ‘ کے ذریعے ڈیزائن کیا گیا ہے جو کہ اس منصوبے کے اثر و رسوخ کے علاقے کے لوگوں کی معیشت، ماحولیات، معاش، ایکالوجی اور ماحولیاتی نظام کے لیے کسی تباہی سے کم نہیں۔
یہ رپورٹ نہ صرف اس منصوبے کے بارے میں لوگوں کی شکایات اور مخالفت کو سامنے لاتی ہے بلکہ پیڈو کی جانب سے ماحولیاتی اور سماجی اثرات کی تشخیص (دسمبر 2023)، دوبارہ آباد کاری کے ایکشن پلان (اکتوبر 2023) میں ماحولیاتی اور ورلڈ بنک کے سماجی فریم ورک 2017 سے انحراف، غلطیوں، تضادات اور خلاف ورزیوں کو بھی اجاگر کرتی ہے ۔ ورلڈ بنک کے یہ ماحولیاتی اور سماجی معیارات درج ذیل عنوانات سے ہیں:
1۔ (ESS-1): ماحولیاتی اور سماجی معیار 1: ماحولیاتی اور سماجی خطرات اور اثرات کی تشخیص اور انتظام۔
2۔ (ESS-2): ماحولیاتی اور سماجی معیار 2: محنت اور کام کے حالات۔
3۔ (ESS-3): ماحولیاتی اور سماجی معیار 3: وسائل کی کارکردگی اور آلودگی کی روک تھام اور انتظام۔
4۔ (ESS-4):ماحولیاتی اور سماجی معیار 4: کمیونٹی کی صحت اور حفاظت۔
5۔ (ESS-5):ماحولیاتی اور سماجی معیار 5: زمین کا حصول، زمین کے استعمال پر پابندیاں اور غیر رضاکارانہ آباد کاری۔
6۔ (ESS-6): ماحولیاتی اور سماجی معیار 6: حیاتیاتی تنوع کا تحفظ اور زندہ قدرتی وسائل کا پائیدار انتظام۔
7۔ (ESS-7): ماحولیاتی اور سماجی معیار 7: مقامی لوگ/سب صحرائی اور افریقی تاریخی طور پر غیر محفوظ روایتی مقامی (indigenous communities) کمیونٹیز۔
8۔ (ESS-8): ماحولیاتی اور سماجی معیار 8: ثقافتی ورثہ۔
9۔ (ESS-9): ماحولیاتی اور سماجی معیار 9: مالی ثالثی۔
10۔ (ESS-10):ماحولیاتی اور سماجی معیار 10: اسٹیک ہولڈر کی شمولیت اور معلومات کا انکشاف و پھیلاؤ۔
چیدہ چیدہ نکات:
- پراجیکٹ ایریا، دریائے سوات کے دونوں طرف تحصیل بحرین کے کالگے سے کیدام تک، توروالی لوگوں کی آبائی زمین کا بڑا حصہ ہے جہاں وہ صدیوں سے رہ رہے ہیں اور یہاں کے مقامی اور اوّلین باشندے ہیں۔ وہ روایتی طور پر اس دریا، اس کی معاون ندیوں، تمام پہاڑی ندی نالوں، چراگاہوں، جنگلات اور ملحقہ زمینوں پر مشترکہ طور پر مالک ہیں اور اپنے روایتی قوانین اور روایات کے ذریعے اس کا انتظام کرتے ہیں۔ ‘پیڈو’ پروجیکٹ کے اثر و رسوخ کے علاقے میں توروالی لوگوں کی اس مقامی (indigenous) حیثیت کو قبول نہیں کرتا ہے جو ورلڈ بنک کی ESS 7 کی خلاف ورزی ہے۔
- پراجیکٹ کے اثرات کا جائزہ لیتے ہوئے ‘پیڈو’ نے صرف پروجیکٹ کی تعمیر کی مدت کے لیے تشخیص—ESIA— کیا تھا۔ اس نے علاقے پر پراجیکٹ کے بعد کے اثرات کو نظر انداز کیا۔ نہ ہی اس نے اپنے مطالعے میں بحرین کے قصبے کی سیاحت اور معیشت پر غور کیا۔ گبرال کالام ہائیڈرو پاور پراجیکٹ کے لیے اپنے مطالعے میں دریائے گبرال کا رخ موڑ کر علاقے اور کالام ٹاؤن پر سیاحت، معیشت اور متعلقہ ماحولیاتی خطرات پر پڑنے والے منفی اور شدید اثرات کو قبول کرتے ہوئے ‘پیڈو’ نے اس مدین ہائڈرو پاؤر پراجیکٹ میں ان پیمانوں کا اطلاق نہیں کیا۔ مدین ہائیڈرو پاور پروجیکٹ جو یقینی طور پر بحرین کے قصبے اور مدین-بحرین-کالام روڈ (N95) پر ملحقہ سیاحوں کے مقامات پر 65,000 سے زیادہ لوگوں کی مقامی معیشت کو تباہ کر دے گا۔
- اسٹیک ہولڈرز کی شناخت میں پیڈو ان افراد پر زیادہ اصرار کرتا ہے جن کی زمینیں پراجیکٹ کے لیے حاصل کی جائیں گی انہیں ‘براہ راست’ متاثرہ افراد کے طور پر بیان کرتے ہوئے ان لوگوں کو مکمل طور پر نظر انداز کرتا ہے جو ‘بلاواسطہ’ متاثرین ہیں یا ممکنہ طور پر پروجیکٹ کے نیچے کے علاقے میں متاثر ہوتے ہیں۔ بحرین کا شہر پیڈو نے ESIA کے انعقاد کے دوران نظر انداز کیا اور ان کے ساتھ کوئی بامعنی مشاورت نہیں کی اور نہ ہی مقامی تنظیموں، مصنفین، کارکنوں اور محققین سے رجوع کرنے کی زحمت کی۔
- اسی طرح ESS10 گائیڈنس نوٹس کی خلاف ورزی کرتے ہوئے پیڈو نے ESIA یا RAP جیسی معلومات کو کمیونٹی کے درمیان نہیں پھیلایا اور بارے میں معلومات فراہم نہیں کیں۔ اس نے یہ دستاویزات صرف اپنی ویب سائٹ کے ساتھ ساتھ بینک کی ویب سائٹ پر پوسٹ کیں یہ جانتے ہوئے کہ علاقے کے 98 فیصد لوگ ویب سائٹ کھولنے کا طریقہ نہیں جانتے ہیں۔
- آبادکاری کے ایکشن پلان میں، قرض لینے والا بار بار سوشل ڈیولپمنٹ پلان (SDP) اور معاش کی بحالی اور بہتری کے منصوبے (LRIP) کا ذکر کرتا ہے۔ یہ دستاویزات متعلقہ ادرواں کی کسی ویب سائٹ پر دستیاب نہیں ہیں۔ اور نہ ہی پیڈو نے کمیونٹی کے ممبروں کی ای میل درخواستوں پر یہ دستاویزات فراہم کیں۔
- 21 جولائی 2023 کو، خیبر پختونخواہ ماحولیاتی تحفظ ایجنسی (KP EPA) نے مدین، سوات میں ایک عوامی سماعت/سنوائی کی۔ اس ملاقات کا اعلان عوامی طور پر نہیں کیا گیا۔ پیڈو نے ویب سائٹ پر صرف ایک اشتہار شائع کیا تھا جبکہ متعلقہ آبادی کو نظر انداز کرتے ہوئے اس نے مقامی انتظامیہ کے ذریعے منتخب افراد کو اس میٹنگ کے لیے مدعو کیا تھا۔ تاہم، توروالی کمیونٹی کے محققین اور کارکنوں نے اس اعلان کو عام کیا اور اس کے نتیجے میں لوگوں کی ایک بڑی تعداد نے اس سماعت میں شرکت کی جہاں 90 فیصد سے زیادہ لوگوں نے اس منصوبے کو مسترد کر دیا۔ ‘پیڈو’ نے اپنے ESIA میں اس بات کا ذکر نہیں کیا اور نہ ہی متعلقہ ایجنسی KP EPA نے اس سلسلے میں ای میلز کا جواب دیا۔
- 2023 میں وئیر اور پاور ہاؤس کے علاقوں میں تبدیلی ایک رکن صوبائی اسمبلی کے اثر و رسوخ اور دباؤ کی وجہ سے کی گئی ہے جو توانائی پر وزیر اعلیٰ کے فوکل پرسن ہوا کرتے تھے۔ یہ اس لیے کیا گیا کیونکہ پاور ہاؤس کے لیے پچھلی جگہ پر متعلقہ ممبر اور اس کے خاندان کی ملکیتی زمینوں کا بڑا حصہ حاصل کیا جانا تھا۔ اس نے پاور ہاؤس سائٹ کو مزید شمال میں دھکیلنے کے لیے پیڈو پر اپنا اثر و رسوخ استعمال کیا۔ مؤخر الذکر نے ایسا کیا اور اب پروجیکٹ کا علاقہ مکمل طور پر مدین ٹاؤن کی حدود سے باہر ہے لیکن ستم ظریفی یہ ہے کہ اس منصوبے کا نام اب بھی “مدین ہائیڈرو پاور پروجیکٹ” ہے۔ مذکورہ رکن صوبائی اسمبلی نے پیڈو کو قائل کیا کہ وہ اپنی زمین کے ذریعے پاور ہاؤس تک مستقل سڑک بنائے بصورت دیگر پاور ہاؤس تک ایک پل موجودہ ہائی وے سے پاور ہاؤس سائٹ، مدین-بحرین روڈ پرکم لاگت سے بنایا جاسکتا ہے۔
- بین الاقوامی مالیاتی اداروں کے ساتھ کام کرنے اور ان کی حفاظتی پالیسیوں کی تعمیل کرنے میں پیڈو کی صلاحیت بہت محدود ہے۔ اس سے قبل، ایشیائی ترقیاتی بینک نے بحرین سوات میں ایک منصوبے، درال خوڑ ہائیڈرو پاور پراجیکٹ، کی عوامی مخالفت کے بعد ‘پیڈو’ سے PKR 7 بلین کا اپنا کیا ہوا معاہدہ منسوخ کیا تھا۔ ۔ بعد میں پیڈو نے مذکورہ منصوبے کو اس رقم سے تعمیر کیا تھا جو اس وقت کی صوبائی حکومت نے وفاق سے حاصل کی تھی۔ اس منصوبے نے بحرین کے قصبے کی نصف سیاحت کو پہلے ہی تباہ کر دیا ہے اور اس علاقے کے ماحولیات اور زندگی کو ناقابل تلافی نقصان پہنچایا ہے اور ساتھ اس منصوبے کے وئیر تک سڑک کی وجہ سے جنگلات کا خاتمہ ہو چکا ہے۔
- اگر مدین ہائیڈرو پاور پراجیکٹ بنایا گیا تو بحرین کی سیاحت اور ماحولیات اور دریا کے دونوں کناروں کے دیہات مکمل طور پر تباہ ہو جائیں گے۔ چھ دیہاتوں کے چشمے جن کے نیچے ہیڈریس اور ایڈیٹ ٹنل بنائے جانے ہیں سوکھ جائیں گے جس سے دیہات میں پینے اور آبپاشی کے پانی کی شدید قلت ہو گی۔
ان حالات کے پیش نظر توروالی برادری کے مقامی کارکنوں، محققین اور کمیونٹی لیڈروں نے 28 جولائی 2024 کو اپنی مہم دریائے سوات بچاؤ تحریک (دریائے سوات تحفظ موومنٹ) کا آغاز کیا۔ اس تحریک کے تحت ہزاروں افراد نے بحرین سوات میں 23 اگست کو احتجاج کیا جس میں انہوں نے اس پروجیکٹ پر پر زور ”نہ“ ‘NO’ کیا۔
ہم — دریائے سوات بچاؤ تحریک — مقامی (indigenous) توروالی برادری سے تعلق رکھنے والے کمیونٹی رہنما، کارکن، مصنف، تاجر، سرمایہ کار، ہوٹل والے، کسان، طلباء، دکاندار اور اساتذہ ہیں۔ ہم تاریخی طور پر وحشیانہ نوآبادیت کے شکار رہے ہیں۔ اور اس وقت صوبے میں غالب کمیونٹی کے مقابلے میں سماجی اور سیاسی طور پر پسماندہ ہیں۔ اب ہمارے پاس اپنے مطالبات ورلڈ بینک کے سامنے اس امید پر رکھنے کے علاوہ کوئی چارہ نہیں ہے کہ شاید یہ ہمارے لیے زیادہ مثبت ہو گا اور ہماری معیشت اور ماحولیات کو بچائے گا۔
ہم پہلے ہی داخلی استعمار کا سامنا کر رہے ہیں اور اگر ہماری زمینوں اور وسائل پر ایسے منصوبوں کی اجازت دی جاتی ہے جن کی منصوبہ بندی ایسے اداروں جہاں غالب قوموں کے لوگ ہوں، کے ذریعے مقامی لوگوں کو نظر انداز کرکے کی جاتی ہے تو احساس محرومی اور بے بسی بڑھے گی۔ اور جب اس طرح کے منصوبوں کو بین الاقوامی مالیاتی اداروں کی حمایت حاصل ہوتی ہے تو ہمیں ڈر ہے کہ ہم کبھی بھی مساوی شہری کا درجہ حاصل نہیں کر پائیں گے۔
ہم پیڈو اور اس کے پیچھے حکومت کے زبردستی اقدامات سے بھی واقف ہیں جو وہ ‘قومی مفاد’ کے نام پر ملک کے حفاظتی اداروں کو استعمال کرتے ہوئے اٹھا سکتے ہیں جو ہمیشہ مقامی اور پسماندہ برادریوں کی قیمت پر ہوتا ہے۔
لہذا، ہم اپنی کمیونٹی اور ماحولیات پر اس منصوبے کے اثرات پر نظر ثانی کرنے کے لیے عالمی بینک سے رجوع کرتے ہیں۔ ہم دریائے سوات کے قدرتی راستے کو بچانے اور اس کے منصوبہ کے ذریعے اس کو سرنگ میں ڈالنے روکنے میں آپ سے تعاون کی درخواست کرتے ہیں۔ یہ صرف ایک دریا کو بچانے کی درخواست نہیں ہے، بلکہ اپنی ثقافت، اپنی برادری، اپنے گھر اور اپنی دھرتی کو بچانے کی کوشش ہے۔
